RRB Group D 2026: ரயில்வேயில் 30,000 காலியிடங்கள் — அறிவிப்பு தீபாவளிக்கு முன் வர வாய்ப்பு

ரயில்வே தேர்வுக்குத் தயாராகும் லட்சக்கணக்கான இளைஞர்கள் நீண்ட நாட்களாக எதிர்பார்த்து வந்த RRB Group D ஆட்சேர்ப்பு அறிவிப்பு விரைவில் வெளிவரும் என்ற தகவல் ஊடகங்களில் பரவி வருகிறது. மொத்தம் 30,000 காலியிடங்கள் நிரப்பப்படும் என்றும், இதற்கான சுருக்க அறிவிப்பு (Short Notice) தீபாவளிக்கு முன்பாகவே வெளியாகலாம் என்றும் கூறப்படுகிறது. இந்த ஆண்டு தீபாவளி நவம்பர் 6ஆம் தேதி வருகிறது; விரிவான அறிவிப்பு பண்டிகைக்குப் பிறகு வெளியிடப்படும் என எதிர்பார்க்கப்படுகிறது.

ஒரே பார்வையில்

எந்தெந்தப் பணியிடங்கள்?

குரூப் டி பிரிவின் கீழ் தண்டவாளப் பராமரிப்பாளர் (Track Maintainer), பாயிண்ட்ஸ்மேன் உள்ளிட்ட தொழில்நுட்பப் பணிகள் மற்றும் தொழில்நுட்பம் அல்லாத பல்வேறு பணியிடங்கள் அடங்கும். பத்தாம் வகுப்பு தேர்ச்சி பெற்றவர்களும், ஐ.டி.ஐ. முடித்தவர்களும் விண்ணப்பிக்கத் தகுதியானவர்கள்.

தேர்வு நடைமுறை

ஆட்சேர்ப்பு நடைமுறைகள் டிசம்பருக்கு முன் தொடங்கும் எனவும், முதல்கட்ட CBT தேர்வு அடுத்த ஆண்டின் முதல் காலாண்டுக்குள் நடத்தப்படலாம் எனவும் தெரிவிக்கப்படுகிறது. முந்தைய சுற்றில் சுமார் 22,195 காலியிடங்கள் நிரப்பப்பட்டன என்பது குறிப்பிடத்தக்கது.

சம்பளம்

7வது ஊதியக் குழு பரிந்துரைப்படி குரூப் டி ஊழியர்களுக்கு அடிப்படை ஊதியம் ₹18,000 ஆக நிர்ணயிக்கப்பட்டுள்ளது. இதனுடன் அகவிலைப்படி, வீட்டு வாடகைப்படி, பயணப்படி உள்ளிட்ட சலுகைகளும் சேரும். 8வது ஊதியக் குழு அமலுக்கு வந்தால் ஊதியம் கணிசமாக உயரும் என்ற எதிர்பார்ப்பு தேர்வர்களிடையே நிலவுகிறது.

இப்போதே என்ன செய்ய வேண்டும்?

1. 10ஆம் வகுப்பு / ஐ.டி.ஐ. சான்றிதழ், சாதி & பிறப்புச் சான்றிதழ்களை தயார் நிலையில் வைத்திருங்கள்.
2. ஆதார் எண்ணுடன் இணைக்கப்பட்ட செயல்படும் கைபேசி எண் மற்றும் மின்னஞ்சலை உறுதி செய்யுங்கள்.
3. கணிதம், பொதுஅறிவியல், பொதுஅறிவு & நடப்பு நிகழ்வுகள், திறனறிவு — இந்த நான்கு பகுதிகளையும் இப்போதே தொடங்குங்கள்.
4. முந்தைய ஆண்டு வினாத்தாள்களை ஷிப்ட் வாரியாகப் பயிற்சி செய்வதே மிகச் சிறந்த தொடக்கம்.
5. உடல் திறன் தேர்வுக்கான ஓட்டப் பயிற்சியை இப்போதே தொடங்கி விடுங்கள்.

RRB Group D 2026 — ஆதியமான் அகாடமி வகுப்பு

அறிவிப்பு வெளியான பிறகு தயாரிப்பைத் தொடங்கினால் நேரம் போதாது. CBT தேர்வு 2027 முதல் காலாண்டுக்குள் நடக்கலாம் என்பதால், கிடைக்கும் இந்த சில மாதங்களே உங்களுக்கு முன்னிலை தரும்.

• நான்கு பாடங்களும் நாள்வாரியாக: கணிதம், திறனறிவு, பொது அறிவியல், பொது அறிவு.
• தமிழ் வழி விளக்கம் — தொழில்நுட்பச் சொற்கள் ஆங்கிலத்திலேயே, தேர்வில் வருவது போலவே.
• 2025–26 அனைத்து ஷிப்ட் PYQ தலைப்பு வாரியாக, விடைக்குறிப்புடன்.
• தலைப்பு வாரி + முழு மாதிரித் தேர்வுகள், தமிழ் விளக்கம் மற்றும் ரேங்க் பட்டியலுடன்.
• PET வழிகாட்டுதல் — ஓட்டம் / எடை தூக்குதல் பயிற்சித் திட்டம்.

தகவல் ஆதாரம்: ஊடகச் செய்திகள். அதிகாரப்பூர்வ விவரங்களுக்கு rrbapply.gov.in — ஆதியமான் அகாடமி