உச்சநீதிமன்றத்தின் அடுத்த தலைமை நீதிபதி டி.ஒய்.சந்திரசூட்

2 min read

உச்சநீதிமன்றத்தின் அடுத்த தலைமை நீதிபதி டி.ஒய்.சந்திரசூட்: மத்திய அரசுக்கு நீதிபதி யு.யு. லலித் பரிந்துரை

உச்சநீதிமன்றத்தின் அடுத்த தலைமை நீதிபதியாக நியமிக்க மூத்த நீதிபதி டி.ஒய். சந்திரசூட்டின் பெயரை தற்போதைய தலைமை நீதிபதி யு.யு. லலித் மத்திய அரசுக்கு செவ்வாய்க்கிழமை பரிந்துரைத்தாா்.

 

இந்தப் பரிந்துரை கடிதத்தின் நகலை உச்சநீதிமன்றத்தின் 50-ஆவது நீதிபதியாக பதவியேற்க உள்ள நீதிபதி டி.ஒய். சந்திரசூட்டிடம் தலைமை நீதிபதி யு.யு. லலித் அளித்தாா்.

உச்சநீதிமன்ற தலைமை நீதிபதி யு.யு. லலித் நவம்பா் 8-ஆம் தேதி ஓய்வு பெறுகிறாா். நவம்பா் 9-ஆம் தேதி தலைமை நீதிபதியாக பொறுப்பேற்கும் டி.ஒய். சந்திரசூட் 2024, நவம்பா் 10-ஆம் தேதி வரையில் இரண்டு ஆண்டுகள் அந்தப் பதவியை வகிக்க உள்ளாா்.

உச்சநீதிமன்ற நீதிபதிகளின் பணி ஓய்வு வயது 65-ஆக நிா்ணயிக்கப்பட்டுள்ளது.

புதிய தலைமை நீதிபதியின் பெயரை பரிந்துரைக்கக் கோரி மத்திய அரசு தற்போதைய தலைமை நீதிபதி யு.யு. லலித்துக்கு அக்டோபா் 7-ஆம் தேதி கடிதம் அனுப்பியிருந்தது. அதன் அடிப்படையில் நீதிபதி டி.ஒய். சந்திரசூட்டின் பெயரை அவா் பரிந்துரைத்துள்ளாா்.

2016, மே 13 -ஆம் தேதி உச்சநீதிமன்ற நீதிபதியாக டி.ஒய். சந்திரசூட் பதவி உயா்வு பெற்றாா்.

அதற்கு முன்பு அலாகாபாத் உயா்நீதிமன்றத்தின் தலைமை நீதிபதியாக 2013, அக்டோபா் 31-ஆம் தேதிமுதல் அவா் பணியாற்றி வந்தாா். 2000, மாா்ச் 29 முதல் மும்பை உயா்நீதிமன்ற நீதிபதியாகவும் அவா் பணியாற்றி உள்ளாா்.

புது தில்லியில் உள்ள புனித ஸ்டீபன்ஸ் கல்லூரியில் பி.ஏ. பொருளாதாரம் பயின்று, தில்லி பல்கலைக்கழகத்தின் சட்ட மையத்தில் எல்எல்பியும், ஹாவா்ட் பல்கலைக்கழகத்தில் எல்எல்எம் மற்றும் டாக்டா் பட்டமும் டி.ஒய். சந்திரசூட் பெற்றுள்ளாா்.

1998-இல் மும்பை உயா்நீதிமன்றத்தில் மூத்த வழக்குரைஞரான அவா், அதே ஆண்டில் கூடுதல் சொலிசிட்டா் ஜெனரலாகவும் பதவி உயா்வு பெற்றாா்.

உச்சநீதிமன்றத்தின் தலைமை நீதிபதியாக 1978, பிப்.22 முதல் 1985, ஜூலை 11 வரையில் நீண்ட காலம் பணியாற்றிய நீதிபதி சந்திரசூட்டின் மகன் நீதிபதி டி.ஒய். சந்திரசூட் ஆவாா்.

Doubt in this topic? / சந்தேகமா? Ask us on WhatsApp →

Leave a Reply

This site uses Akismet to reduce spam. Learn how your comment data is processed.

error: Content is protected !!
0
0
Your Cart
Your cart is emptyReturn to Shop