இ – ள்: சாற்றுங்கால் மேதினியில் சாதி இரண்டு ஒழிய வேறு இல்லை — சொல்லுமிடத்துச் பூமியிலே (உயர்வாகிய சாதி யென்றும் இழிவாகிய சாதியென்றும்) சாதி இரண்டேயல்லாமல் வேறில்லை. – (அவ்விரண்டு சாதியாரும் யாவரெனின்) — நீதி வழுவா நெறி முறையின் இட்டார் பெரியோர் – நீதி தவறாத நல்வழியிலே நின்று கொண்டு முறைமையோடு (சற்பாத்திரங்களாய் உள்ளவருக்குக்) கொடுத்தவரே உயர்வாகிய சாதியார் ; — இடாதார் இழிகுலத்தோர் – கொடாதவரே இழிவாகிய சாதி யார். – பட்டாங்கில் உள்ளபடி – உண்மை நூலின் உள்ள கிரமம் (இதுவேயாம்.) எ – று.

இ-ள்: யார்க்கும் – யாவருக்காயினும், — புண்ணியம் வந்து எய்தும் போது அல்லால் – (முன் செய்த) புண்ணியம் வந்து கூடிய போதல்லாமல், — எண்ணி ஒரு கருமம் செய்யொண்ணாது – (மற்றைக்காலத்திலே) நினைத்து ஒரு தொழிலைச் செய்ய முடியாது. — கண் இல்லான் மாங்காய் விழ எறிந்த மாத்திரைக் கோல் ஒக்கும் – (புண்ணியம் வந்து கூடாத அக்காலத்திற செய்யும் அத்தொழிலானது) கண்ணில்லாதவன் மாங்காய் விழுதற்கு எறிந்த மாத்திரைக் கோலைப் போலும், — ஆம் காலம் அவர்க்கு ஆகும் – (புண்ணியம் வந்து ) கூடியபோது அவருக்கு (அத்தொழில் தானே) முடியும். எ – று . ஏ அசை.

இ – ள் . ஒருவர்க்கு உள்ளது ஒழிய – ஒருவருக்கு (ஊழினால்) உள்ளதல்லாமல், — ஒருவர் சுகம் கொள்ளக் கிடையா – மற்றொருவருடைய சுகங்களை அநுபவிக்க விரும்பினால் அவை கிடையாவாம் : — (ஆதலினால் ) — குவலயத்தில் – இப்பூமியிலே – –உடலோடு வாழும் உயிர்க்கு – உடம்புகளோடு கூடிவாழும் உயிர்களுக்கு , — வெள்ளக்கடல் ஓடி மீண்டு கரை ஏறினால் என – வெள்ள நீரையுடைய சமுத்திரத்திலே (கப்பலின் மேற்) சென்று (சம்பாதித்துக்கொண்டு) திரும்பவந்து கரையேறினாலும் அதனாற் பயன் யாது . எ – று.

இ – ள் : மகிதலத்தீர் கேண்மின் – பூமியிலுள்ள மனிதர்களே, கேளுங்கள் — ஈட்டும் பொருள் – தேடுதற்குரிய பொருள்களானவை, — முயற்சி எண் இறந்த ஆயினும் – முயற்சிகள் அளவில்லாதன வாயிலும், –ஊழ் கூட்டும் படி அன்றிக் கூடாவாம் – ஊழ் கூட்டுமளவினால்லாமற் சேராவாம். — தனம் தரியாது – (ஊழினாலே சேரினும்) அப்பொருள் நிலைபெறாது. — தேட்டம் மரியாதை – (ஆதலினால்) நீங்கள் தேடத்தகுவது மரியாதையேயாம். எ – று. மரியாதை – நன்னெறியினிற்றல். ஆம் அசை . காணுமிரண்டும் முன்னிலையசை.

இ – ள் : மா நிலத்தீர் – பெரிய பூமியிலுள்ள மனிதர்களே — ஆண்டு ஆண்டு தோறும் அழுது புரண்டாலும் – (இறந்த) அவ்விடத்தில் வருடந்தோறும் அழுது புரண்டாலும், — மாண்டார் வருவரோ – இறந்தவர் திரும்பி வருவாரோ (வர மாட்டார்:) — வேண்டா – (ஆதலினால் அழ ) வேண்டுவதில்லை –நமக்கும் அது வழியே நாம் போம் அளவும் எமக்கு என் என்று நமக்கும் –அம்மரணமே வழியாகும் நாம் இறந்து போமளவும் எமக்கு யாது சம்பந்தம் என்று , — இட்டு உண்டு இரும் – பிசைஷயிட்டு (நீங்களும்) உண்டு (கவலையற்று) இருங்கள் . எ – று.

இ – ள் : ஆறு அம் கரையில் மரமும் – ஆற்றினது கரையில் இருக்கின்ற மரமும் — அரசு அறிய வீற்று இருந்த வாழ்வும் விழும் அன்றே – அரசன் அறிய (அதிகாரஞ்செய்து சம்பாதித்துப்) பெருமையாக வாழ்கின்ற வாழ்க்கையும் அழிந்து போமன்றோ — உழுது உண்டு வாழ்வு ஏற்றம் – (ஆதலினால்) உழுது பயிர்செய்து உண்டு வாழ்வதே உயர்வாகும்; — அதற்கு ஒப்பு இல்லை – அதற்குச் சமானம் இல்லை, — வேறு ஓர் பணிக்குப் பழுது உண்டு – மற்றைத் தொழில் வாழ்க்கைகளுக் கெல்லாம் அழிவு உண்டு. எ – று. அம் காரியை. கண்டீர் முன்னிலையசை.

இ –ள்: பேசுங்கால் – (ஆராய்ந்து) சொல்லுமிட த்து ; — பிச்சைக்கு மூத்த குடிவாழ்க்கை – பிசைஷ எடுத்து உண்டலினும் (இழிவிற் ) பெரிய குடிவாழ்க்கையாவது – பல இச்சை சொல்லி இடித்து உண்கை – பலவாகிய இச்சைகளைப் பேசி (ஒருவரை) நெருக்கி வாங்கி உண்ணுதலாம் — சிச்சீ – சீசி (இது என்ன செய்கை.) — வயிறு வளர்க்கைக்கு மானம் அழியாது – வயிற்றை வளர்த்தற்பொருட்டு மானங்கெடாமல், –உயிர் விடு கை சால உறும் – உயிரை விடுதலே மிக (உயர்ச்சியைப்) பொருந்தும். எ – று.

இ – ள். தண்ணீர் நில நலத்தால் – தண்ணீரானது நிலத்தினது நன்மையினாலும் , — தக்கோர் குணம் கொடையால் – நல்லோருடைய குணமானது கொடையினாலும் , — கண் நீர்மை மாராக் கருணையால் – கண்களுடைய குணமானது நீங்காத அருளினாலும், — பெண் நீர்மை கற்பு அழியா ஆற்றால் – பெண்களுடைய குணமானது கற்புநிலை கெடாத வழியினாலும், — கடல் சூழ்ந்த வையகத்துள் அற்புதம் ஆம் என்றே அறி – சமுத்திரஞ் சூழ்ந்த பூமியினிடத்து (எல்லாரும் ) ஆச்சரியப்பபடத்தக்கவைகளாகும் என்று நீ அறிவாயாக. எ – று.

இ-ள் . பேர் உலகில் – பெரிய பூமியிலே –பெற்றார் (என) – (இவர் எம்மைப்) பெற்றவர் என்றும் , — பிறந்தார் (என )- (இவர் எமக்குப் ) பிறந்தவர் என்றும் , — பெருநாட்டார் (என) (இவர் எம்முடைய பெரிய தேசத்தார் என்றும், — உற்றார் (என)- (இவர் எம்முடைய) சுற்றத்தார் என்றும் , — உகந்தார் என – (இவர் எம்மைச் சிநேகித்தவர் என்றும் — வேண்டார் – விரும்பாதவராகிய உலோபிகள், — மற்றோர் இரணம் கொடுத்தால் இடுவர் – அன்னியரேயாயினும் (தம்முடம்பிலே) காயத்தைச் செய் தாராயின், (அவருக்கு எல்லாங்) கொடுப்பர் — சரணம் கொடுத்தாலும் இடார் — (முன் சொல்லப்பட்டவர்) அடைக்கலம் புகு ந்தாராயினும், அவருக்கு ஒன்றுங் கொடார் . எ – று. தாம் ஏ இரண்டும் அசை.

இ – ள் . கொம்மை முலை பகர்வார்க் கொண்டாட் டம் – குவிவாகிய தனங்களை விற்கின்ற பரத்தையரைக் கொண் டாடுதல் — அம்மி துணை ஆக ஆறு இழிந்த ஆறு ஒக்கும் – அம்மிக் கல்லே துணையாக ஆற்று வெள்ளத்தில் இறங்கிய தன்மையைப் போலும்; — (அன்றியும்) மா நிதியம் போக்கி வெறுமைக்கு வித்து ஆய்விடும் – (அது) பெரிய செல்வத்தை அழித்து வறுமைக்குக் காரணமாய்விடும் : — இம்மை மறுமைக்கு நன்று அன்று – (ஆதலினால்) அது இப்பிறப்பிற்கும் வருபிறப்பிற்கும் நல்லதாகாது . எ – று. பகர்தல் – விற்றல். ஓடத்தினாலே கடக்கத்தக்க ஆற்றை அம்மியினாலே கடக்கப் புகுந்தவன் அமிழ்ந்து உயிரை இழத்தல்போல, மனைவியினாலே அநுபவிக்கத்தக்க காமவின்பத்தை வேசையினாலே அநுபவிக்கப் புகுந்தவன் மேகநோயால் வருந்தி உயிரை இழப்பன் ஆதலின், அம்மி துணையாக வாறிழிந்தவாறொக்கு மென்றார்.

இ – ள். பணத்தைப் பாடு பட்டுத் தேடிப் புதைத்து வைத்து – பணத்தைப் பிரயாசப்பட்டுச் சம்பாதித்து (நீங்களும் உண்ணாமல் பிறருக்குக் கொடாமற் பூமியிலே) புதைத்துவை த்து –கேடு கெட்ட மானுடரே கேளுங்கள் – அப்பொருட்கேட்டினால் (சரீரசுகத்தையும் ஆன்மசுகத்தையும் ஒருங்கு) இழந்த மனிதர்களே (நான் சொல்வதைக்) கேளுங்கள் . — ஆவி கூடு விட்டுப் போயின பின்பு – ஆன்மாச் சரீரத்தைவிட்டு நீங்கிய பின்பு, — பாவிகாள் அந்தப் பணம் இங்கு ஆர் அநுபவிப்பார்- பாவிகளே, அந்தப் பணத்தை இவ்விடத்து யாவர் அநுபவிப்பார். எ – று . தான் ஏ – இரண்டும் அசை.

இ-ள்: நீறு இல்லா நெற்றி பாழ் – விபூதியில்லாத நெற்றி பாழாகும்; — நெய் இல்லா உண்டி பாழ் – நெய்யில்லாத போசனம் பாழாகும். — ஆறு இல்லா ஊருக்கு அழகு பாழ் – நதியில்லாத ஊருக்கு அழகு பாழாகும் ;– மாறு இல் உடற்பி றப்பு இல்லாத உடம்பு பாழ் – மாறுபடாத சகோதரர் இல்லாத உடம்பு பாழாகும் — மடக்கொடி இல்லாத மனை பாழே – (இல்லறத்திற்குத் தக்க மனைவியில்லாத வீடு பாழேயாகும். எ-று.

இ – ள். பசி வந்திட – பசிநோய் ஒன்று மாத்திரம் வந்தால், — மானம் – மானமும் , –குலம் – குலமும், –கல்வி – கல்வியும் , — வண்மை – வாய்மையும், — அறிவுடைமை – அறிவு டைமையும் , –தானம் – கொடையும் , , — தவம் – தவமும், — உயர்ச்சி – உயர்வும் , — தாளாண்மை – தொழின் முயற்சியும், — தேனின் கசிவந்த சொல்லியர்மேல் காமுறுதல் – தேன்பெருக்குப்போலத் தோன்றுகின்ற சொல்லையுடைய மங்கையர்மேல் ஆசைசைவைத்தலும் ஆகிய –பத்தும் பறந்து போம் -இப்பத்தும் விட்டோடிப்போம்.எ – று.

இ – ள் . கண்புதைத்த மாந்தர் – அகக்கண் குருடாக இருக்கின்ற மனிதர் — உண்பது நாழி – உண்பது ஒரு நாழியரிசி யன்னமேயாகும்;–உடுப்பது நான்குமுழம் – (அவர்) உடுப்பது நான்குமுழ வஸ்திரமேயாகும்; –(இப்படியாகவும்) –நினைந்து எண்ணுவன எண்பது கோடி – (அவர்) நினைந்து எண்ணுங்காரியங்களோ எண்பது கோடியாகும்: – (ஆதலினால்) — மண்ணின் கலம் போலச் சரம் துணையும் குடிவாழ்க்கை சஞ்சலமே – மட் பாத்திரம் அழிந்தாற்போல் (அவர் சரீரம்) அழியும் வரையும் (அவருடைய) குடிவாழ்க்கையினாலே துன்பமே விளையும். எ அ . தான் அசை

இ – ள், வேந்தே – அரசனே, — முன் தாம் தாம் செய்தவினை – முற்பிறப்பிலே தாம் தாம் செய்த நல்வினை தீவினைகளை — பூந்தாமரையோன் பொறி வழியே தாமே அநுபவிப்பார் – தாமரைமலரில் இருக்கின்ற பிரமா விதித்தபடியே தாமே அநுபவிப்பார்கள் , — ஒறுத்தாரை என் செயலாம் – (தீவினையினாலே தூண்டப்பட்டுத் தீங்கு செய்தவரை நாம் யாது செய்யலாம். — ஊர் எல்லாம் ஒன்றா வெறுத்தாலும் விதிபோமோ – ஊரிலுள்ளார் எல்லாருஞ் (துணையாகத்) திரண்டு வெறுத்தாலும் விதி போகுமோ (போகாது.) எ – று.

இ – ள் . மா நிலத்தீர் – பெரிய பூமியிலுள்ளவர்களே , — ஆறு இடும் மேடும் மடுவும் போல் – ஆற்று வெள்ளத்தினால் உண்டாக்கப்படும் மேடும் பள்ளமும் போல, — செல்வம் ஏறிடும் மாறிடும் – செல்வம் வளர்வதும் தேய்வதுமாய் இருக்கும்: — (ஆதலினால்) சோறு இடும் – (இரப்பவருக்கு உண்ண) அன்னத்தை இடுங்கள் – தண்ணீரும் வாரும் – (குடிக்கச்) சலத்தையும் தாருங்கள் — தருமமே சார்பு ஆக உள் நீர்மை உயர்ந்து வீறும் – (இப்படிச் செய்ய வருவீர்களானால்,) இந்தத்தருமமே துணையாக உள்ளத்திலே (சுத்தியாகிய) தன்மை ஓங்கி விளங்கும். எ – று . ஆம் அசை.

இ – ள். கல்லானே ஆனாலும் கைப்பொருள் ஒன்று உண்டாயின் – (ஒருவன்) படியாதவனே யாயினும் (அவன்) கையிலே பொருண்மாத்திரம் இருந்தால், — எல்லாரும் சென்று எதிர்கொள்வர் – (அவனை) யாவரும் போய் எதிர்கொண்டு உபசரிப்பர் — இல்லானை இல்லாளும் வேண்டாள் – (படித்தவனே யாயினும் பொருள்) இல்லாதவனை (அவன்) மனைவியும் விரும்பாள் , — ஈன்று எடுத்த தாய் வேண்டாள் – (அவனைப்) பெற்று வளர்த்த மாதாவும் விரும்பாள் ; — அவன் வாயில் சொல் செல் லாது – அவன் வாயிற் பிறக்குஞ் சொல்லானது பயன் படாது. எ – று. அங்கு, மற்று அசை.

இ-ள்: ஒள் தொடி – ஒள்ளிய வளையலை அணிந்தவளே , — நண்டு சிப்பி வேய் கதலி – நண்டும் சிப்பியும் மூங்கிலும் வாழையும் , –நாசம் உறும் காலத்தில் – தாம் அழிவை அடையுங்காலத்திலே, — கொண்ட கரு அளிக்கும் கொள்கை போல் – (முறையே தாம்) கொண்ட (குஞ்சும் முத்தும் அரிசியும் காய்க்குலையும் ஆகிய) கருக்களை ஈனுந்தன்மை போல , — (மனிதர்கள்) – போதம் தனம் கல்வி பொன்ற வரும் காலம் – ஞானமும் செல்வமும் வித்தையும் அழிய வருங்காலத்திலே — அயல்மாதர்மேல் மனம் வைப்பார் – பிறர்மனைவியர்மேல் மனம் வைப்பார்கள் . எ – று.

இ – ள். நன்று என்றும் – (இது) நல்லது என் றும், — தீது என்றும் – (இது) தீயது என்றும் , — நான் என்றும் (இது செய்தவன்) நான் என்றும், — தான் என்றும் – (இது செய்தவன்) அவன் என்றும், — அன்று என்றும் – (இது) அன்று என்றும், – ஆம் என்றும் – (இது) ஆகும் என்றும் , — ஆகாதே நின்ற நிலை – பேதஞ்செய்யாமலே (பதியினுள் அடங்கி இரண்டறக் கலந்து) நின்ற நிலையே, — தான் அது ஆம் தத்துவம் ஆம் – (ஆன்மா வாகிய) தான் (பதியாகிய) அதுவாகுகின்ற உண்மை நிலையாகும் — சம்பு அறுத்தார் யாக்கைக்குத் தேடும் பொருள் போனவர் – சம்பை அறுத்தவர் அதனைக் கட்டுதற்குத் தேடும் பொருள் அதுவன்றி வேறில்லாமற் போனவாறுபோலப் பாசத்தின் வேறாகக் காணப்பட்ட தன்னைப் பதியினுள்ளே அடக்குதற்குத் தேடும் பொருள் தானன்றி வேறில்லை. எ – று.

இ-ள்: தேவர் குறளும் – திருவள்ளுவநாயனாருடைய திருக்குறளும் , — திரு நான்மறை முடிவும் – சிறப்புப் பொருந்திய நான்கு வேதங்களின் முடிவாகிய உபநிடதங்களும், — மூவர் தமிழும் – திருஞான சம்பந்தமூர்த்திநாயனார் திரு நாவுக்கரசு நாயனார் சுந்தரமூர்த்தி நாயனார் என்னும் சமயகுரவர் ) மூவர்களுடைய (தேவாரமாகிய) தமிழ் வேதமும், — முனி மொழியும் – வியாச முனிவருடைய வேதாந்த சூத்திரமும் , — கோவை திருவாசகமும் – (திருவாதவூரடிகளுடைய) திருக்கோவையார் திருவாசகங்களும் , — திருமூலர் சொல்லும் – திருமூல நாயனாருடைய திருமந்திரமும் , — ஒரு வாசகம் என்று உணர் – ஒருபொருளையே குறித்த வாக்கியங்களென்று அறிவாயாக, எ – று.