Athiyaman Academy

நல்ல தமிழ் எழுதுவோம்

போட்டித் தேர்வுகளுக்கான இலக்கணக் கையேடு

TNPSCTETTNUSRBTRB

அத்தியாயம் 9அரைப்புள்ளி & நிறுத்தற் குறியீடுகள்

தேர்வில் 2 வினாக்கள். எளிய பகுதி, முழு மதிப்பெண் பெறக்கூடியது — ஆனால் பல மாணவர்கள் கவனிக்காமல் விடுகிறார்கள்.

முதன்மை விதி: ஒரே எழுவாய்க்கு பல பயனிலைகள் வரும்போது, அவற்றை இணைக்க அரைப்புள்ளி பயன்படும்.

பெருந்தலைவர் காமராஜர் முதலமைச்சர் ஆனார்; அணைகள் பல கட்டினார்; தொழிற்சாலைகள் பல திறந்தார்; இலவசக் கல்வி வழங்கினார்.

இங்கே எழுவாய் ஒன்றே — காமராஜர். பயனிலைகள் நான்கு. எனவே அரைப்புள்ளி.

இரண்டாம் விதி: தனித்தனியே முழுமையான இரு தொடர்கள் கருத்தால் நெருங்கிய தொடர்பு கொண்டிருந்தால், முற்றுப்புள்ளிக்குப் பதிலாக அரைப்புள்ளி.

மனித வாழ்க்கை, ஓர் ஆறு; குளம் அன்று.

குறி	பெயர்	எடுத்துக்காட்டு
.	முற்றுப்புள்ளி	கண்ணன் பள்ளிக்குச் சென்றான.
,	காற்புள்ளி	மா, பலா, வாழை ஆகியவை முக்கனிகள்.
;	அரைப்புள்ளி	அவன் படித்தான; வென்றான; பெருமை பெற்றான்.
:	முக்காற்புள்ளி	முக்கனிகள் மூன்று: மா, பலா, வாழை.
?	வினாக்குறி	நீ எங்கே சென்றாய?
!	வியப்புக்குறி	என்ன அழகு!
“ ”	மேற்கோள் குறி	வள்ளுவர் “அகர முதல” என்றார்.
–	இணைப்புக்கோடு	தமிழ்–ஆங்கில அகராதி
( )	அடைப்புக் குறி	திருவள்ளுவர் (திருக்குறள் ஆசிரியர்)
…	வில்லைக் குறி	அவன் சொன்னான… ஆனால் முடிக்கவில்லை.

அரைப்புள்ளி அமையும் முதன்மை இடம்?
(அ) பல எழுவாய், ஒரு பயனிலை (ஆ) ஒரு எழுவாய், பல பயனிலை (இ) வினாத் தொடர் (ஈ) பிறர் கூற்று
மனித வாழ்க்கை, ஓர் ஆறு; குளம் அன்று. — இங்கு அரைப்புள்ளியின் பயன்?
(அ) வினா (ஆ) வியப்பு (இ) நெருங்கிய தொடர்புள்ள இரு தொடர்களை இணைத்தல் (ஈ) பட்டியல்
: — இதன் பெயர்?
(அ) அரைப்புள்ளி (ஆ) காற்புள்ளி (இ) முக்காற்புள்ளி (ஈ) முற்றுப்புள்ளி
பிறர் கூற்றைக் குறிக்கும் குறி?
(அ) அடைப்புக் குறி (ஆ) மேற்கோள் குறி (இ) இணைப்புக்கோடு (ஈ) வில்லைக் குறி
, — பயன்?
(அ) தொடர் முடிவு (ஆ) ஒரே வகைச் சொற்களைப் பிரித்தல் (இ) வியப்பு (ஈ) விளக்கம்

▸ விடைகள்