உள்ளதை உள்ளவாறு அழகாக எடுத்துரைப்பது

• இரவு முழுவதும் காற்று அடித்துக் கொண்டிருந்தது. மழையோ மிகுதியாகப் பெய்தது.

இரண்டு பொருள்களுக்கு ஒப்புமை விளங்கச் சொல்வது. உவமானம், உவமேயம், பொதுத் தன்மை, உவம உருபு ஆகிய நான்கும் இருப்பது விரி உவமை; பொதுத் தன்மையும் உவம உருபும் தொக்கி வருவது தொகை உவமை

• பால் போலும் இனிய சொல். (விரி உவமை — பால்: உவமானம்; சொல்: உவமேயம்; இனிய: பொதுத் தன்மை; போலும்: உவம உருபு)
• பால் போலும் சொல். (தொகை உவமை)
• மலை போன்ற தோள். (தொகை உவமை)

உவமானத்தையும் உவமேயத்தையும் தனித்தனி வாக்கியமாக நிறுத்தி இடையில் உவம உருபு கொடாமல் கூறுவது

• “அகர முதல எழுத்தெல்லாம் ஆதி பகவன் முதற்றே உலகு” — எழுத்துகள் எல்லாம் ‘அ’ என்னும் எழுத்தை முதலாக உடையவை; அதுபோல உலகம் கடவுளை முதலாக உடையது.

உலகத்தில் இல்லாத பொருளை உவமையாகக் கூறுவது

• கருமலை நடந்து வந்தாற்போலக் கருநிற விபீஷணன் நடந்து வந்தான்.

இயற்கையாக நடப்பதில் கவி தன் கற்பனைக் குறிப்பை ஏற்றிச் சொல்வது

• கோட்டையில் கட்டப்பட்டிருந்த கொடிகள் அருச்சுனனை, ‘வருக வருக’ என்று அழைப்பது போல ஆடின.
• சேவல்கள், “மாணவர்களே! காலை வந்து விட்டது; எழுந்திருங்கள்” என்று கூப்பிடுவது போலக் கூவின.

ஒரு பொருளை நம்ப முடியாதவாறு மிகைப்படுத்திக் கூறுவது

• மேகங்கள் தங்கி உறங்கும்படியான கோட்டை மதிலில் உராய்ந்து சூரியனும் உடல் சிவந்து விட்டது.
• கோட்டை அகழியின் ஆழம் பூமியைத் தாங்கி நிற்கும் ஆதிசேடன் தலை வரையில் சென்றது.

உவமானத்தைச் சொல்லி உவமேயத்தைப் பெற வைப்பது

• மாமரத்தில் பழுத்த பழங்கள் விழாமலிருக்க, அதிலிருந்து பிஞ்சுகள் உதிர்ந்து விடுகின்றன.

ஒப்புமையின் ஒரு பொருளை அதுவோ இதுவோ என்று ஐயமுறுதல்

• இவள் கண், கயலோ வண்டோ அறியேன்.

உவமான உவமேயங்களுள் ஒன்றுக்குச் சிறப்பைத் தரும் வேறுபாட்டை விளக்குவது

• தீயினாற் சுட்ட புண் உள்ளாறும்; நாவினாற் சுட்ட வடு ஆறாது.
• சந்திரனும் சான்றோரும் ஒப்பாவார்: சந்திரன் மறுத் தாங்கும்; சான்றோர் அது தாங்கார்.

ஒரு சொல் பல பொருள் தருவது

• சிவப்புத்தேள் — (அ) சிவப்புத் தேள்; (ஆ) சிவனாகிய புத்தேள் (புத்தேள் – தேவன்).
• புத்தியில்லாதவன் — (அ) புத்தியில் மிகுந்த ஆதவனைப் போன்றவன்; (ஆ) மடையன்.

ஒன்றை இயல்பாகக் கூறாமல் வேறு வகையால் கூறுவது

• தசரதர் புத்தென்னும் நரகைக் கடந்தார். (மகனைப் பெற்றார்)

பழிப்பது போலப் புகழ்வதும், புகழ்வது போலப் பழிப்பதும்

• கயவர்கள் தேவரைப் போன்றவர்கள்; ஏனென்றால், அவர்கள் விரும்பிய எல்லாவற்றையும் செய்வார்கள்.
• அரசே, நீ கண்ணுக்கு இனியவனாயில்லை; கேள்விக்கு இனியவனாய் உள்ளாய்.

உவமானத்தையும் உவமேயத்தையும் வேறாகக் கூறாமல் ஒன்றுபடுத்திக் கூறுவது

• மக்கள் மனம் என்னும் நிலத்தில் அன்பு என்னும் பயிரை வளர்த்தல் வேண்டும்.
• மாணவர்களே, இலக்கணம் என்னும் திறவுகோல் கொண்டு இலக்கியக் கோயிற் கதவுகளைத் திறந்து தமிழ்ப் பெருந்தேவியைக் கண்டு களிகூருங்கள்.

ஒரு பாதியை உருவகப்படுத்தி மற்றொரு பாதியை உருவகப்படுத்தாமல் கூறுவது (ஏகதேசம் – ஒரு பாதி)

• திருக்குறளாகிய கலங்கரை விளக்கின் உதவியால் வாழ்க்கையை வழி தெரிந்து கடந்து செல்லலாம்.
• மக்கள் மனத்தில் அன்புப் பயிரை வளர்த்தல் வேண்டும்.